Archive: Novembro 6, 2014

TinSex:O Placer en Lata.

En Catrineta acontecen sempre cousas imprevistas, momentos tan especiais e ricos que nós gardamos como verdadeiros tesouros. Así aconteceu cando a Mai aterrizou por aquí…falamos e falamos e chegamos a conclusión de que tiñamos que argallar algo xuntas.

Mai Insua é Psicóloga e Terapeuta Sexual e de Parella, traballa afondando na sexualidade, que como dí ela :” é unha das miñas pulsións, especialmente no traballo con mulleres e como elemento empoderador, de benestar e de pracer”.

Para coñecela un pouco máis:Mai Tuppersex losplaceresdelola.com

Para nós, Catrineta, é un pracer que conte co noso espazo para traballar e profundizar algo máis neste ámbito tan importante para o empoderamento das mulleres.

 

Catrineta é máis ca unha conserveira: é tamén un espazo que alberga e promove cultura, encontros, experiencias; que navega pola historia das mulleres salpicando e potenciando o noso papel presente. O Tin Sex ten a ver moito con esta perspectiva: situar a sexualidade no colectivo, e nun espazo cotiá e accesible no que poida ser ulisqueada, saboreada, compartida, navegada, desfrutada. Traes o abridor e exploramos xuntas o pracer en lata?.  (Texto Mai Insua)

Así da gusto traballar, obrigadas, Mai.

Sábado 8 de Novembro

De 12:30 a 14:30

NA CATRINETA: CONSERVEIRA DE COMPOSTELA

 

EXPOSICIÓN INSTAGRAM AIGIBOGA

” Corren tempos de postureo e moderneo onde o instagram pasou a ser o noso pan de cada día”, como di Argi.Un mundo paralelo, como todas as redes sociais, onde confluen moitas personaxes, un sinfín de filtros fotográficos e moreas de “hashtags” de todo tipo e índole.

Con esta expo intentamos adaptarnos os tempos que corren e por que non, demostrar que non precisamos de equipos caros para sacar algunha que outra foto bonica.

AIGI BOGA é un fotógrafo nado en Compostela, enganchado a fotografía dixital dende fai uns anos. Fai pouco descubriu o potencial das cámaras dos moviles, e agora podedes velo resultado na Catrineta.
Podedes atopar máis información no seu facebook AIGI BOGA
A exposición inaugurase o vindeiro venres 7 de novembro a partir das 20:00h na Catrineta&Cia:Conserveira de Compostela.
 

Uso de cookies

Este é o común texto legal que informa que este sitio web utiliza cookies para que vostede teña a mellor experiencia de usuario. Si continúa navegando está dando o seu consentimento para a aceptación destas galletiñase e a aceptación da política de cookies ACEPTAR

Aviso de cookies