Category: Catrineta

Mexillóns escabeche sobre escuma fina de patacas.

A máis clásica e famosa das conservas galegas e sen dúbida o mexillón en escabeche. Ímos pornos un pouco sofisticados e veredes o que podemos facer cunha lata deles.

Ingredientes:

Mexillóns escabeche Catrineta  1lata

Patacas 200gr

Leite     150cc

Nata       50cc

Sal, pementa, perixel.

Receita:

Cocelas patacas en abundate auga salgada ata que poidamos pinchalas cun garfo.

Retiralas do lume, pelar e engadir o leite, a nata, o sal e a pementa. Misturar todo e pór a crema obtida nun sifón para facela escuma.

Nun plato fondo, servir unha base de escuma fina de pataca e colocar por riba os mexillóns co seu escabeche.

Decorar co perixel moi picadiño.

Receita

Receita sacada de:

Entre latas y sartenes: Cocina  Creativa con conservas de pescado y marisco. Xunta de Galicia.

Sopa de versos. Quico Valeiras.Catrineta nonou Edicións en Fachada

Despois do éxito de Movimentos, Quico Veleiras repite xunto ao saxsofonista Alexandre Cabanelas, na III Edición de  Catrineta Nonou Edicións en Fachada. Esta vez para presentar a súa nova Obra poética: Sopa de versos.
 O Xoves 10 ás 20:00 na Catrineta!!!!
 CARTAZ-SOPAdeVERSOSvector(reduc)
INSTRUCIÓNS DO XOGO:
-1. Vrau: tempada máis cálida do ano que chama á praia llo chiringuito, á abundancia de líquidos frescos con ou sen xeo engadido, ó bronceado llas sopas de letras. Hai quen a detesta. Poesía (1): arte (é dicir: xogo) que consiste en resetear e resituar os lindes da liguaxe para expor certas sensacións, experiencias, valores, etc., onde o dicir adopta unha actitude de intromisión radical, xa en relación ó emisor xa ó receptor. Poesía (2): asunción da linguaxe coma potencia creativa, non tanto entendida esta como vehículo comunicativo do mundo, senón coma a posibilidade mesma da súa disposición e circulación; en definitiva, se a linguaxe é a oportunidade do ser, a poesía irrompe coma a súa revolución. Verso: orde no que a poesía estrutura a súa linguaxe; hai versos que falan do vrau, outros non.

CATRINETA A TUA CONSERVEIRA

Presentámosvos o vídeo que compón a campaña premiada no IV Concurso de Proxectos de Publicidade Comercial en Galego do Concello de Santiago de Compostela no ano 2016.

Idea, guión, gravación, animación, edición e posprodución > Illa Bufarda
Música > Pasodobre de Nicraria de Oïma

catrineta.com
illabufarda.com

II Edición en Fachada CatrinetaNonou:” Movimentos”, Francisco Valeiras-Quico

Catrineta NonOu Edicións en Fachada é un proxecto que consiste na creación da Primeira Editora Mundial de libros en formato fachada coa intención de xerar propostas colectivas de edición abertas a cidadanía.

Nesta II Edición presentamos a Francisco Valeiras-Quico coa obra de poesía, Movimentos.

“…ela e il il i ela medráronse pola probabilística das esquinas…e eisí abriron fiestras nas que respiraron a fricción da franela e o frío do cristal…il e ela ela e il trazaron movimentos cos que nacía o código postal e as palabras arañaron no buzón…ela e il il i ela crearon as físicas todas e chamáronlle nós…” Francisco Valeiras-Quico.

A presentación coa lectura dos poemas con Quico,a  música de cantautor Roberto Sobrado,e o saxo Alexandre Cabanelas, foi un luxo de Edición. Deixamosvos unha pequena mostra.

Edición en Fachada

Edición en Fachada

Edición en Fachadaimaxe3b

 

 

 

 

 

 

imaxe 6b

SOPA DE SARDIÑAS EN TOMATE

Sabemos que isto non o esperabades. Unha lata de peixe para facer sopa???. Poís velaí vai a nosa receita sopera.

Ingredientes:

2 latas sardiñas en tomate.

1 pataca grande.

3 culleres soperas de arroz.

1 cenoira.

1 cebola pequena.

2 culleres de tomate fritido.

folla loureiro.

sal.

pementa negra.

pementón doce.

eneldo ou perixel.

allo.

aceite.

Como facer:

Nunha pota pór auga a ferver. Lavar, pelar e cortar a pataca. Cando a auga ferva, botar o sal, a folla de loureiro,  a pataca partida e o arroz. Cocer a lume medio. Mentras tanto ir picando a cebola e  a cenoira. Facer un sofrito co  tomate fritido.

Cando as patacas estean feitas, abrir as latas coas sardiñas e botalas na pota. Engadir todas as especias. Engadilo sofrito e darlle un fervor de nada para polo todo a mesma temperatura.  E listo!sopa sardiña tomate 2

OS SUMERXIDOS de Pota Cromática

sonia garcíaObradoiro de Pirografía. (Aforo limitado).5€

O vindeiro Venres 13, á tardiña de  18.00 a 20.00 na Catrineta podedes apuntarvos para aprender como practicar pirografía. Entregarásevos todo o material e depois a vosa obra quedará exposta na Catrineta durante unha tempada xunto coas Obras de Pota Cromática.

Xa fai tempo que tiñamos ganas de involucrarnos, de traballar coas nosas mans  e desta vez facémolo con Sonia García, como dí ela mesma, unha rapaza de mar que aprendeu as cores antes de andar!

Aquí deixamosvos unha mostra do que aconteceu:

 

Piro 1

 

piro7

 

piro 5

 

piro6

EXPOSICIÓN AMPARO ESCRICH ALBENTOSA

Catrineta acolle a exposición da ceramista Amparo Escrich Albentosa natural de Valencia e que ten o seu obradoiro hoxe en día en Monforte de Lemos (Lugo)

Cursou estudos na escola de Cerámica de Manises e na de Artes e Oficios de Valencia.

Amparo Escrich realizou traballos de restauración no museo de Cerámica de Valencia González Martí e na igrexa de San Juan Bautista.

Reside en Galicia desde fai anos, realiza cursos e talleres de cerámica, raku, corda seca, modelado, torno, etc..

As pezas aquí expostas é unha pequena representación do seu extenso traballo. Pezas realizadas con gres e cristal fundido a unha temperatura de 1250 grados. Campás modeladas con barro e engobe cocido a 980 grados. Peixes feitos en barro con vidriado cocido a 980 grados. Cuencos torneados e decorados coa técnica de Corda Seca.

Datos de Contacto:
Tlfno. 982 404 620

Facebook: Amparo Escrich Albentosa

 

Presentación da nova forma de ver Cine.

portada peli screenly
Screenly, a plataforma para ver cine en salas baixo demanda a través do ‘crowdticketing’, comeza a súa implantación en cines de Galicia, empezando polos Multicines Norte en Vigo e a sala NUMAX en Santiago.
Querémolo celebrar de maneira oficial o vindeiro 5 de decembro co primeiro evento baixo demanda en Compostela: a estrea da película documental NO ESTAMOS SOLOS, de Pere Joan Ventura, producida por Pere Portabella e El Gran Wyoming, que se presentou no último Festival de San Sebastián e que chega por primeira vez a Galicia.
NO ESTAMOS SOLOS é un documental sobre a indignación e a dignidade, sobre os movementos sociais, as mareas da dignidade e sobre todo o escenario de rebelión cidadá que se xerou no Estado español entre maio de 2011 e o tempo no que estamos, finais de 2015, que culmina coas eleccións do vindeiro 20 de decembro.
Aproveitaremos a estrea baixo de manda en Galicia de NO ESTAMOS SOLOS para presentar en sociedade a nosa plataforma que permite a calquera espectador organizar unha proxección elixindo a película, o día e a data, e xuntando o mínimo de espectadores que faga a proxección viable.
A presentación será o sábado 5 de decembro ás 12h. Inauguramos así ademais un novo concepto a experimentar en NUMAX, as sesións vermú de cine. Nesta ocasión, polo prezo da entrada convidámosvos a un vermú por cortesía de Bodegas Lodeiros e un aperitivo ofrecido por Catrineta Conserveira de Compostela.
As entradas con todo incluído custan 7,5 euros e mercándoas comprobaredes por vós mesmos o funcionamento práctico de Screenly. A campaña de crowdticketing xa está en marcha: precisamos un mínimo de 53 reservas feitas antes do sábado 28 para poder confirmar o evento. Neste momento xa se apuntaron 17 persoas, só faltan 36 reservas de entradas para chegar ao noso obxectivo. É un reto colectivo traer esta película a Compostela, e demostrar que o público ten o poder ver os filmes que queira, a pouco que se xunte e se organice. Nós só poñemos as ferramentas que o facilitan.
Para reservar a túa entrada tes que entrar neste enlace e facer un prepagamento, que só se cargará na túa tarxeta cando o evento se confirme. Cousa que agardamos que aconteza grazas á túa colaboración.
Así funciona Screenly. O 5 de decembro queremos presentarcho en persoa, que veñas a gozar da peli e do debate, e que tomes un vermú e un petisco connosco mentres planeamos xuntos futuros eventos e proxeccións baixo demanda na nosa cidade. Todas as que o público queira.
Agardámoste!

FESTAS DA RÚA DE ABAIXO

elas festas rua abaixo

Participamos unha vez máis no Mercadiño das Afamadas festas da Rúa de Abaixo. Será este sábado durante a mañán, desde as 11:00 até as 14:00. Ademáis do mercadiño haberá un montón de cousas máis e música en direto. Non podedes faltar a unha das citas máis importantes de Compostela!!!

mercado festas de abaixo

Uso de cookies

Este é o común texto legal que informa que este sitio web utiliza cookies para que vostede teña a mellor experiencia de usuario. Si continúa navegando está dando o seu consentimento para a aceptación destas galletiñase e a aceptación da política de cookies